30/12/2010
23/12/2010
14/12/2010
07/12/2010
29/11/2010
قانون من الجاهلية
كنت اليوم فى المرور لتجديد رخصة السيارة وذهبت كالعادة لوحدة مرور الاميرية التابعة لها السيارة وعندما اردت استخراج شهادة مخالفات وجدت الموظفة تعطينى ورقة برقم السيارة القديم التابع لمرور السلام وتقول لى بمنتهى البرود هات لنا شهادة مخالفات من مرور السلام على هذة النمر طبعا حاولت جاهدا ان افهم منها اية السبب مع اننى سلمت النمر القديمة مع شهادة مخالفات لمرور الاميرية من سنة ونصف تقريبا وعلى اساسة استلمت نمر جديدة وتم وقتها الترخيص للسيارة يعنى بالبلدى كدة المرور اعترف من سنة ونصف ان السيارة مفيش عليها مخالفات ودلوقتى رجعوا فى كلامهم ولما حاولت استفسر من الموظفة طبعا ظهر عليها العبوس ومدت بوذ من هنا لاسيوط وهيا بتقولى باعلى صوت هو دا القانون لازم تجيب كل سنة ولمدة ثلاث سنوات شهادة مخالفات من المرور التابعة لة النمر القديمة واحنا بنطبقة وملناش دعوة عاوز تجدد هات مخالفات من السلام وبعديين نديك احنا شهادة مخالفات من عندنا مش عاوز تجدد انت حر -- طبعا اخذت ورقة النمر القديمة وانسحبت بهدوء الى مرور السلام وما ادراك ما السلام بجد ربنا يبعدكوا عن سكة مرور السلام - اربع ساعات يا مؤمنين علشان اجيب شهادة مخالفات - لا واية اسمعوا الحكاية دى بجد مش عارف اضحك والا ابكى اسمعوا واحكموا انتم - ذهبت من مرور الاميرية الى مرور السلام فى تمام الساعة الثانية عشرة ظهرا واعطيت الموظف المسئول الرخصة والورقة الموجهة من مرور الاميرية الى مرور السلام المهم الراجل ذوق جدا واستلم الاوراق بصدر رحب وقال لى اتفضل اقعد لحد ما ننادى عليك بصراحة انا استبشرت خير بوجهه السمح- المهم بعد ساعة بالتمام والكمال نادى الموظف البشوش اسمى قلت جة الفرج واذا بة يقابلنى بنفس الابتسامة و يطلب منى صورة البطاقة فقط واتفضل اقعد هننادى عليك يا باشا وبعد نصف ساعة اخرى ينادى اسمى تانى وبنفس الابتسامة الرقم اللى فى الورقة دة غلط يا استاذ ارجع لمرور الاميرية وخليهم يصلحوة لك قلت لة غلط ازاى قام الموظف البشوش قالى زايد رقم السبعة دى زيادة ركز معايا قال السبعة دى زيادة - قلت لة النمر القديمة بتتكون من كام رقم- قام متبرع من الناس اللى حول الشباك قال بيبقوا ستة ارقام - قلت لة اتحلت عدهم بقى قالى وهو يخفى الكسوف طيب اتفضل اقعد هبعتوا للمراجعة و هننادى عليك - اوعوا تكونوا زهقتوا لسة بدرى- طيب ياسيدى نستنى وامرنا لله وبعد ساعة اخرى من الانتظار الممل ينادى الموظف المبتسم على اسمى لتالت مرة اعتقد ان كل من فى المرور اكيد حفظوا اسمى عن ظهر قلب - يا استاذ الرقم الاخير دة مش واضح هو دة سبعة والا ثلاثة مع انة المرة اللى فاتت نطقة لو تفتكروا سبعة والرقم والله واضح يا ناس سبعة والله العظيم لو جبت طفل عندة سنتيين هيقولك دة اكيد سبعة - المهم قلت لة والله سبعة والناس المتبرعة حول الشباك يحلفون لة انة سبعة ووحيات الاخوة وعليا الطلاق ورحمة زوج خالتك الرقم دة سبعة وهو بيقول لازم تروح لمرور الاميرية يوضحوا الرقم ويختمولك علية انة سبعة دة كلة لمصلحتك يا باشا بدل ما تدفع مخالفات حد تانى - لما فاض بى الكيل قلت لة انت عامل مشكلة لية هى سبعة وانا بحب ادفع مخالفات غيرى يا سيدى خلصنى بقى دى ما كنتش شهادة مخالفات - قالى براحتك انت حر يمكن فلوسك كتير - ثم بعدها عاد ليبتسم ويقول اتفضل ------ --- قلت لة عارف اقعد هننادى عليك -- والمرة دى فاتت ربع ساعة واسمى للمرة الرابعة يدوى فى سماء المرور - والموظف السعيد يبلغنى بقيمة المخالفات والحمد لله ثلاثون جنيها لا غير قلت كويس وقبل ان امد يدى لاعطية المبلغ قال روح ادفع فى الخزينة قلت ومالة المهم دفعت المبلغ المفروض بقى استلم الوصل واذهب الى حال سبيلى - لكن الجملة المستفزة اياها تقولها الموظفة على الخزنة اتفضل ------------ طبعا روحت قعدت من غير كلام - وبعد ساعة اخرى من الملل ينادى الموظف الضاحك اسمى للمرة الخامسة والاخيرة ليسلمنى شهادة المخالفات بعد عناء دام قرابة اربعة ساعات داخل مرور السلام ومع الموظف البشوش اللى كان عاوز يرجعنى لمرور الاميرية وخلاص مش عارف لية -- طبعا اليوم خلص فى مرور السلام ولسة بكرة لازم اروح تانى علشان اكمل باقى التجديد --- اسف للاطالة بس حبيت اوريكم قانون العصر الجاهلى اللى احنا عايشين فية مع كل هذا التطور لا توجد شبكة تربط ادارات المرور ببعضها - حتى لو النمر القديمة عليها مخالفات ممكن جدا تضاف على مخالفات النمر الجديدة وتدفع كلها فى مكان واحد وهو ادارة المرور التابعة لها رخصة السيارة -- انما نقول اية حسبنا الله ونعم الوكيل ------------!
22/11/2010
14/11/2010
07/11/2010
01/11/2010
20/10/2010
logan hatchback crash test
السيارة داتشيا سانديرو او كما تسمى عندنا فى مصر رينو لوجان هاتشباك هى احدث سيارة رينو قادمة الى مصر عن طريق اتفاقية اغادير مع المغرب والتى تنص على دخول السيارات المجمعة فى البلاد المشاركة فى الاتفاقية بدون جمارك - ومن المقرر فتح باب الحجز على السيارة لوجان هاتشباك فى اخر اكتوبر 2010اما بالنسبة للمواصفات الفنية للسيارة لوجان هاتشباك فهى مثل سابقتها السيارة رينو لوجان السيدان ويأتى الاختلاف فى الشكل الخارجى فقط ---اما بالنسبة للسعر فستكون السيارة الهاف اوبشين بسعر 67000تقريبا والسيارة الكاملة منها بسعر 73000تقريبا ---
لمزيد من المعلومات شوف تقييم رينو لوجان
----------------------------------------------------------------------------------------------------------
18/10/2010
11/10/2010
09/10/2010
03/10/2010
هيونداى النترا 2011
تعتزم شركة هيونداى موتورز الكورية طرح الجيل الجديد من السيارة الناجحة هيونداى النترا 2011وذلك مع نهاية هذا العام والسيارة من الجيل الخامس لسيارات هيونداى والسيارة النترا 2011بها محرك رباعى الاسطوانات ويولد قدرة حصانية 140حصان عند 6300لفة فى الدقيقة و عزم 166نيوتين مما يعطى اداء افضل واقوى للموتور ومع زيادة هذة القوة فان النترا 2011تتمتع باستهلاك موفر للبنزين فهى تستهلك تقريبا 6ليتر لكل 100كيلومتر --
---
26/09/2010
جيب شيروكى وحش التسعينات
بحق يستحق طراز التسعينات من السيارة جيب شيروكى لقب وحش التسعينات عن جدارة واستحقاق فهى سيارة تتمتع بشكل خارجى يوحى بالقوة المرعبة وبهيكل قوى حقا اما عن الاداء فحدث ولا حرج فتحت غطاء المحرك يسكن وحش كاسر ينتظر من يعطية الامر بالانطلاق وباقصى قوة فى كل الظروف المحيطة ولو كانت الظروف قاسية جدا والارض غير ممهدة فجيب شيروكى دائما تقهر كل الظروف الصعبة فعلا تستحق لقب وحش التسعينات الكاسر
14/09/2010
07/09/2010
بيجو 404
دى كانت مجموعة صور لسيارة عتيقة من سيارات شركة بيجو الفرنسية وكانت تنتج هذة السيارة فى الستينات واوائل السبعينات وكانت لها حضور قوى فى سوق السيارات فى هذة الفترة وهى السيارة بيجو 404
---
01/09/2010
23/08/2010
عز العرب وسيارات فولفو
منذ فترة ليست كبيرة استطاعت مجموعة عز العرب ان تستحوذ على توكيل سيارات فولفو السويدية بمصر واعتقد ان عز العرب لديهم من الخبرة الكافية فى مجال السيارات التى تجعلهم يعيدوا لسيارات فولفو اكثر السيارات امانا فى العالم مكانتها بين الكبار فى مصر -
وقد اطلقت مجموعة عز العرب طرازات عديدة من سيارات فولفو السويدية s80-xc90-s60-c70وتعتبر سيارات فولفو الجديدة اكثر امانا واكثر رفاهية واجمل تصميم ولذلك فهى بحق تستطيع ان تكون من الكبار فى مصر ---
وقد اطلقت مجموعة عز العرب طرازات عديدة من سيارات فولفو السويدية s80-xc90-s60-c70وتعتبر سيارات فولفو الجديدة اكثر امانا واكثر رفاهية واجمل تصميم ولذلك فهى بحق تستطيع ان تكون من الكبار فى مصر ---
13/08/2010
هيونداى i20
اطلقت شركة هيونداى موتورز الكورية مؤخرا السيارة هيونداى i20 فى السوق الاوروبية وقد حققت نجاح جيد ومن المنتظر وصولها الى مصر العام القادم - والسيارة i20تتميز انها من فئة سيارات الهاتش باك وتصميمها الخارجى يتميز بالجمال والطابع الرياضى الذى يستهوى شريحة الشباب اما عن الصالون فقد استفادت هيونداى من المساحات الداخلية على اكمل وجة لتكون صالون متسع جدا واوسع من اى سيارة فى فئتها واما عن المحرك للسيارة i20فهو من نوع محركات الجيل الخامس من هيونداى cvvtفالسيارة بموتور 1400سى سى يولد قوة 100حصان عند 5500لفة وعزم 136نيوتن عند 4200لفة وبذلك يولد قوة عالية وقدرة على المطالع والمرتفعات حتى بكامل حمولة السيارة - والسيارة مزودة بناقل حركة مانيوال او ناقل اوتوماتيك وطبعا بها جميع الكماليات الاخرى كعادة هيونداى تكييف قوى كاسيت سى دى سنتر باور زجاج كهرباء - والان علينا الانتظار حتى تصل الينا i20ونراها على الطبيعة ونجربها حتى نحكم عليها --
--
07/08/2010
مشكلة المرور فى رمضان
كل عام وانتم بخير ايام قليلة ويهل علينا شهر رمضان الكريم بكل خيراتة وافضالة ولكن تظل عندنا فى مصر مشكلة ازدحام المرور نعانى منها كل عام مع اقتراب الشهر الفضيل وحتى ينتهى العيد وتبدا الامور فى التحسن نوعا ما - اما فى خلال شهر رمضان وبالذات مع اقتراب موعد الافطار وبعد صلاة التراويح تصاب حركة المرور فى مصر والاخص القاهرة والجيزة بالشلل التام وتحبس داخل سيارتك او وسيلة المواصلات فترات طويلة جدا وللاسف يهل علينا اباطرة المرور وعباقرة تخطيط وتنظيم المرور كل عام ليؤكدوا ان هذا العام سيكون مختلف وسنشهد سيولة مرورية محصلتش وتكثيف امنى ودوريات انقاذ على اعلى مستوى ووضع خطة لكل موقع لتجنب الزحام وتحقيق اعلى سيولة مرورية وان كلة تمام والامور تحت السيطرة وطبعا بيخيب املنا فيهم زى مبيخيب املنا فى كل حاجة فى البلد دى - بصراحة انا بحس انهم بيتكلموا من على سطح القمر او بيتكلموا عن بلد تانية غير مصر -- يارب ارحمنا من الجهل والجهلاء ---
01/08/2010
بروتون جين 2
السيارة بروتون جين 2هى احدى انتاجات شركة بروتون الماليزية ولكن هذة السيارة حققت نجاح ملحوظ عن باقى انتاجات الشركة الماليزية والسبب يعود لان السيارة تتمتع بتصميم رياضى جذاب علاوة على عفشة رياضية ممتازة مدعومة بخبرة شركة لوتس الانجليزية علاوة على تميز السيارة بالثبات على السرعات العالية - وتتميز السيارة جين2بموتور قوى 1600سى سى يتكون من 4اسطوانات ويولد قوة 110حصان ويحتاج الى 10ثوان للوصول من 0الى 100كم والسيارة متوفرة بناقل حركة مانيول خمسة سرعات او اتوماتيك اربعة سرعات - ووزن السيارة 1190كيلو جرام -- فعلا مع كل هذة المواصفات الفنية العالية للسيارة بروتون جين2يصبح نجاحها الافت للنظر فى السوق المصرى شيئ طبيعى جدا فهى سيارة بها كل مايتمناة الواحد من شكل جذاب الى عفشة ممتازة الى محرك قوى والاهم الثبات الذى يعطى بدورة الامان على الطرق السريعة - - -
--
24/07/2010
شيفرولية كروز 2010
.jpg)
السيارة شيفرولية كروز تتميز بجمال التصميم الخارجى وفخامة الصالون الداخلى اما عن المحرك فهى تتمتع بثلاثة انواع من المحركات
الاول 1600سى سى ويولد قوة 107حصان والسرعة من الصفر الى 100كم فى 12ثانية ويستهلك لكل 100كم 7ليتر بنزين -- اما المحرك الثانى فهو1800سى سى ويولد قوة 140حصان ويتسارع من 0الى100فى 10ثوانى اما عن المحرك الثالث والاخير فهو 2000سى سى ديزل بقوة 150حصان والتسارع من 0الى100فى 9ثوان -- والسيارة كروز بها موديلان من ناقل الحركة الاول مانيوال خمسة سرعات والثانى اوتوماتيك ستة سرعات -- وكان اول ظهور للسيارة شيفرولية كروز فى مارس2009 باوروبا -
--
18/07/2010
تويوتا تحاول انقاذ نفسها باى ثمن
بعد الازمات العنيفة التى تعرضت لها شركة سيارات تويوتا اليابانية اكبر شركة مصنعة للسيارات فى العالم وكانت عبارة عن عيوب فنية قاتلة فى دواسات البنزين فى معظم موديلاتها وايضا عيوب فى فرامل السيارة تويوتا بيريوس ومن هنا ظهرت ازمات طاحنة للشركة العملاقة التى فقدت ثقة كثير من عملائها حول العالم وبالذات الثقة فى الانتاج وجودتةومن هنا فقد اعلنت شركة تويوتا عن عزمها استقدام اربعة خبراء اجانب فى الجودة لمساعدتها على تحسين جودة السيارات المنتجة والذى سيبدا العمل بة من مارس 2011ومهمة الخبراء ستكون مراجعة معايير الجودة وتحسينها مع تحليل كل حادثة على حدة والتحقيق فى كل شكوى للعميل كحالة منفردة بذاتها مع تقوية العلاقات والاتصالات بوسائل الاعلام والصحافة لتلافى سوء الفهم عن حقيقة العيوب الفردية للسيارات - وهذا البرنامج يهدف الى تقوية التعاون بين قسم مراقبة الجودة والاقسام الاخرى واعطاء الموظفين بالشركة التدريب المناسب فى فن التعامل مع العملاء -- بصراحة شديدة تويوتا تحاول انقاذ ما يمكن انقاذة من تاريخها العريق الذى على وشك الانهيار العنيف فهل تستطيع ان تعود لمكانتها مرة اخرى ---؟
--
10/07/2010
تاكسى لندن الان فى مصر
استطاعت ان تحصل مجموعة ابو غالى موتورز وكيل سيارات كريسلر و سوبارو فى مصر على توكيل تاكسى لندن اشهر تاكسى على الاطلاق واعرقها حول العالم فتاكسى لندن تمتلكة احدى الشركات الانجليزية الكبرى وكان اول انتاج لة فى مدينة كوفنترى الانجليزية عام 1948بنفس شكلة المميز حتى يومنا هذا ولكنة تتطور من حيث وسائل الراحة والرفاهية والامان للركاب فهو يوفر الخصوصية من خلال فاصل زجاجى بين الراكب والسائق لمنع وصول الاصوات للسائق واذا اراد الراكب التواصل مع السائق فمن خلال جهاز انتركم صوتى وايضا من اهم ميزاتة انة صمم لمراعاة ذوى الحاجات الخاصة من خلال سهولة خروج ودخول كرسى متحرك داخل السيارة ويستطيع الراكب من ذوى الاحتياجات استعمالة بدون مساعدة من احد و مع كل ذلك ظل الشكل الخارجى القديم علامة فريدة على مر السنين --- وقد بدا العمل فى مشروع تاكسى لندن بمصر من اول يوليو 2010حيث يمكن للمسافرين والقادمين من مطار القاهرة استعمالة وايضا متوافر لندن تاكسى امام الفنادق الكبرى والمناطق السياحية والاثرية بالقاهرة كمرحلة اولى ثم سينتشر فى باقى المحافظات قريبا -- وبالنسبة لاسعار اجرة تاكسى لندن فهى كما يقول محمد ابو غالى انها اقل من اسعار سيارات الليموزين فى مصر -- بصراحة انا سعيد جدا لانة كان حلم من احلام حياتى انى اركب تاكسى لندن وطبعا كان حلم مستحيل ولكنة الان اصبح سهل جدا واقرب مما كنت اتخيل - شكرا لك ياربى عقبال باقى احلامى لما تتحقق --- اصلى طماع ----- !
--
04/07/2010
مازدا وجى بى اوتو
منذ اشهر قليلة استطاعت ان تفوز شركة جى بى اوتو بقيادة المهندس رؤوف غبور بتوكيل سيارات مازدا اليابانية الى جانب توكيل سيارات هيونداى الكورية وبصراحة انا عندى احساس قوى ان غبور سيستطيع ان يعيد اسم مازدا بقوة مرة اخرى الى سوق السيارات المصرى لانة وبصراحة استطاع ان يوجد مكان لهيونداى بين الكبار وليس ذلك فقط بل استطاع ان يجعل هيونداى الاكثر مبيعا فى مصر على مدار اكثر من خمسة سنوات متتالية وذلك لتنوع موديلاتها واسعارها التى تناسب كل شرائح المجتمع المصرى - فما بالك بسيارات مازدا اليابانية اعتقد انة سوف يجد سهولة فى اعادة مازدا بقوة للسوق المصرى وخصوصا بعد ابتعاد خصم عنيد وكانت لة مكانتة فى سوق السيارات المصرية وهى تويوتا اليابانية فبعد ازماتها المتكررة اصبح المجال مفتوح لكل اليابانى وخاصة مازدا ونيسان لانهما اقرب السيارات المناسبة للسوق المصرى بعد تويوتا فهل يفعلها غبور ويجعل مازدا رقم واحد فى مصر-- اعتقد انة عندة الخبرة الكافية لذلك -
---
22/06/2010
كيا سيراتو 2010
السيارة كيا سيراتو 2010من تصميم المصمم الشهير بيتر شراير مصمم سيارات اودى الالمانية ولذلك اصبح شكل كيا سيراتو اكثر جاذبية وجمال والسيارة تتكون من موتور 1600سى سى 4سلندر و16صباب ثنائى الكامة و يولد قوة 124حصان وعزم 156نيوتن عند 4200لفة --
لمزيد من المعلومات وتقييم شامل للسيارة كيا سيراتو
---
الاشتراك في:
الرسائل (Atom)